Минифутбол бўйича “Камолот” кубоги мусобақасининг финал ўйини бўлиб ўтди

2016 йил 15 декабрь куни “Шифокор” спорт комплексида Тошкент тиббиёт академияси факультет, магистратура ва ординатура талабалари ўртасида минифутбол бўйича “Камолот” кубоги мусобақасининг финал ўйини бўлиб ўтди.

Финалда Магистратура ва Даволаш факультетининг 3-курс талабалари ўзаро куч синашди.

Мусобақада жами 30 та жамоа қатнашиб ўйинлар ноябр ойи давомида саралаш, нимчорак, чорак ва ярим финал босқичларида ўтказилди. Магитратура жамоаси финалга қадар тиббий-профилактика факультети 2-курс (4:3), тиббий-педагогика факультети 4-курс (4:1) ва 3-курс (4:3), даволаш факультети 4-курс (3:1) талабаларидан устун келган бўлишса, Даволаш факультетининг 3-курс талабалари тиббий-педагогика 7-курс (4:1), тиббий-профилактика 6-курс (4:0), тиббий-профилактика 3-курс (4:1) ва даволаш факультети 2-курс талабаларидан устун келишди. Финал ўйини маънавият ва маърифат ишлари бўйича проректор Т.А.Бобомуратов очиб берди ва иштирокчиларга омад тилади. Учрашув кесин вазиятлар бой ва қизиқарли ўтди. Ўйин якунида Даволаш факультетининг 3-курс талабалари 4:2 ҳисобида ғалаба қозонишди.

Финал босқичи иштирокчиларига академик лицей ва касб-ҳунар коллежлар билан ишлаш бўйича проректор С.Р.Баймаков ва “Камолот” ЁИҲ БТ етакчиси И.О.Отажоновлар эсдалик совғалари топширишди Чемпион жамоага “Камолот” кубоги топширилди.

ТТА, Камолот ЁИҲ БТ

Фотолавҳалар: