Жорий йилнинг 28 апрел куни соат 13:00 да Тошкент тиббиёт академияси “Шифокор” спорт мажмуасида “Биз соғлом юрт фарзандларимиз” номли Спорт байрами тадбири бўлиб ўтади. Тадбирда ТТАнинг Даволаш, Тиббий профилактика, Олий маълумотли ҳамшира, Тиббий педагогика, Ҳарбий тиббий факултетлари, магистратура бўлими, “Камолот” фаоллари, ТТА қошидаги академик лицей жамоалари парати, иқтидорли талабалар ва Маданият уйи ходимлари томонидан тайёрланган куй-қўшиқлар, ТТА Шейпинг жамоалари чиқишлари, спорт байрами доирасида апрел ойи давомида талабалар ўртасида спортнинг волейбол, стол тенниси, мини футбол, шахмат турлари бўйича ғолибликни қўлга киритган талабалар ТТА ректорининг фахрий ёрлиғи ва эсдалик совғалари билан тақдирлаш маросими, тадбир давомида талабалар ўртасида 100 метрга югуриш, 400 метрга югуриш, оилавий эстафетали югуриш, талабалар эстафетаси бўлиб ўтади.
Тадбирга барча профессор-ўқитувчилар, ходимлар ва талаба – ёшларни таклиф этимиз.
ТТА маънавият ва маърифат бўлими.
Add Comment