Bo'lim yangiliklari She'rlar

Қобилова Мунира шеърий тўплами

Тиббий профилактика факультети, 1-босқич талабаси Қобилова М. шеърий тўпламини эътиборингизга ҳавола қиламиз.


Jonim Vatan

Men ingalab kelgan dunyosan,
Suving ichdim, azim daryosan,
Bu dunyoda o`zing tanxosan
Jonim Vatan, jahonim Vatan

Sen onamning g`amgin allasi,
Sen kuyimning avjli pallasi,
Shukur, kimman –o`zbek bolasi,
Tomirdagi qonimsanVatan

Ilk qadamim bosgan ostonam
Kindigimning qoni to`kilgan.
Sening ila yashnar qalbxonam
Ko`zlarimning qarog`i Vatan

O`zing mehri eng qaynog`imsan,
Sen so`zlari bol qaymog`imsan
Onamdayin g`amimni yeysan
Onajonim, oftobim, Vatan

Men lolangman qirlarda ungan
Senga sendek mehrini qo`ygan,
Seni mendan ortiq kim suygan?
Sen suyukli qo`rg`onimVatan.


Bolalik

Tongda shabnam qo`ngan loladay
Endi tili chiqqan boladay
Ko`zlarimdan tomgan joladay
Beg`uborsan buncha bolalik

Sho`x kulgumdek yashnab ketasan
Yuragimda yashab o`tasan
Tongda turib issiq non qilgan
Munisamga o`xshab ketasan

Har bahorda qaytar qaldirg`och
Har bahorda ochilar gullar
Bolalikni eslagan damlar
Yuragimda to`la sururlar


Azizlarim

Mehr istab yoningizga shoshganimda
Tashvishlarga yana tashvish qo`shganimda
Eng baxtiyor lahzalarda jo`shganimda
Azizlarim boringizga shukur deyman

Goh yig`lasam ovutsangiz silab boshim
Kaftingizda artsangiz gar qatra yoshim
Yaqinlarim bo`lib mening siz sirdoshim
Azizlarim boringizga shukur deyman

Bitta so`zni yuzming xilda aytsa bo`lur
Dardingizni bir shirin so`z inson olur
Qolsa agar bizdan faqat savob qolur
Azizlarim boringizga shukur deyman

Yuragimning oromidir kulishingiz
O`zgachadir mag`rurona yurishingiz
Boldan totli bo`lsin sizning turmushingiz
Azizlarim boringizga shukur deyman


Konstitutsiya

Baralla tan oldi butun bir dunyo
O`zbekning origa qalqon himoya
Ajoyib fikr bu ,ajoyib g`oya
Bu o`zbek qarori ,ozbekning so`zi

Islom bobom aytgan zo`r g`oyasida
Xalqimning nomusi himoyasida
Endi o`zbek emas o`zga soyasida
Bu o`zbek qarori ,o`zbekning so`zi

Keksaga hurmat va kichikka izzat
O`zbekka g`ururdir Vatanga xizmat
Kim bo`lsin qilolmas elimga tuxmat
Bu o`zbek qarori ,o`zbekning so`zi


Onajon

Yuraging ostida men paydo bo`lib,
Quvongan ekansan sen toshib-to`lib.
Jajji mehmoningni qo`linga olib,
Iliq qarshilagan sen onajonim.

Dunyolar to`shading mening poyimga
Shukurlar aytasan har on borimga
Termulib kularsan qizalog`inga
Meni avaylagan sen onajonim

Xatolar qilsam gar tuzatding sekin,
Biror bor qovog`ing uymading lekin.
Sabrla o`rgatding, barchasin sekin.
Yomon so`z aytmagan sen onajonim.

Tilingdan tushmaydi bir onga ismim,
Husningdan andoza mening ham husnim
Duolaring bilan obod manzilim
Omadim tilagan sen onajonim

Shoira qizim deb erkalab suyib
Hamisha yurasan men uchun kuyib
Bugun erka qizing baxtini tuyib ,
Men uchun omonbo`l sen onajonim.


Ta’zim

Qalam tutqazgansiz ilk bor qo`limga
Vatanga muhabbat joylab dilimga
“Hayot maktab” degan haq so`zga ta’zim
Avvalo jonkuyar ustozga ta’zim

Otamdek mo`tabar mening ustozim
Onamdek so`zlari, mehri qaynog`im
Yurgan yo`llarida ul izga ta’zim
Hammadan zahmatkash ustozga ta’zim

Hayot yo`limizning nur-ziyosisiz
Osmondagi oftobning qiyosisiz
Barchani teng bilgan oftobga ta’zim
Mehri daryo aziz ustozga ta`zim

Hayotga muhabbat siz bergan saboq
Dedingiz barchaga birdek kulib boq
Siz bildirgan cheksiz ishonchga ta`zim
Haq yo`lda bir dilkash insonga ta`zim


Inson

Sabrdan tiklangan aslida inson
Qonida ham  sabr oqar shovullab
Kimdir ko`z yoshga g`arq bo`lar ammo
Bilginki yuraging tursin lovullab

Bir zumda egilgan qomatlar bisyor
Bir tunda oqargan sochlarni ko`rdim
“Yaxshilar” bir yonda qildi tomosho
“Yomonlari” bilan do`stlashib yurdim

Barchani tinglayu, qolma o`zingdan
Ahdga sodiq bol`gil, tonmas o`zingdan
Qadringa yetganga bo`lib qadrdon
Yaxshilik qilaver kelsa qo`lingdan


O`zbegim o`g`lonlari

O`g`lonlari omon yurtga yovlar soya sololmas
O`zbegim o`g`lonlarin lochin quvsa yetolmas
Temur, Jaloliddinlar qoni oqar tomirda
Alpomish avlodiga hech kimsa teng kelolmas
Tunlari osoyishta, tonglari yorug` yurtning
Alplari bo`ling omon, baxtimizga siz posbon

Siz Vatanning faxrisiz, oilangiz ishonchi
Hur Vatanim tayanchi, mard jasur aziz o`g`lon
Axir Jaloliddinda Chingizxonlar bergan tan
Buyuklar avlodisiz, sizga ishonarVatan
Siz akasiz, siz o`g`il, siz farzandsiz munosib
Qo`rg`onini asragan o`zbegim o`g`lonlari


Qachondir

Qachondir bosh uzra oralaydi oq
Qachondir ajinlar tushar yuzimga
Qachondir egilar alif qomatim
Qachondir qo`llarim bo`ladi titroq


So`zlagin

Diydor bizga nasib etganda
Armon bizlarni tark etganda
Dardlarni qo`y, baxtdan so`zlagin
Bugun baxtga qo`lim yetganda

Yaxshi niyat yarim mol deralar
Duogo`ylar omon bo`lsinlar
Go`zal orzulardan so`zlagin
Shunda orzuning bog`i gullar

Yonib tursin shu moviy ko`zing
Go`yo ko`kka chiqqandek oftob
Yig`ini qo`y, kulib so`zlagin
Dardlarimga davodir so`zing

Baland parvoz tilayman senga
Tilim – dilim doim duoda
Yuksak cho`qqilardan so`zlagin
Olloh o`zi madadkor bizga.


Kelin bo`lsin

Qishlar tugab sog`inganim baxor kelsin
Mayin shamollari tongda yuzga ursin
Bu dunyodan qizlar baxtsiz o`tmasiney
Hammaqiz ham yor-yor bilan kelin bo`lsin

Erta ochilmasin ,erta xazon bo`lar
Ish bilmagan kelin qadri arzon bo`lar
Kimlar kulib, kimlardir achinib qarar
Kelin bo`lsa, ulg`ayib so`ng kelin bo`lsin

Tunlar turib farzandiga alla aytsin
Bolasiga atabs hirin nonlar yopsin
Bolajonim deya erkalatib yursin
Kelinlarning quchog`iga farzand bersin

Suyyukligin ,, begim« deya atab yursin
Yaxshi yomon kunlarida tirgak bo`lsin
Achchiq gapin og`ir olmay kulib qo`ysin
Har bir kelin poloxmonning toshi bo`lsin

Turmushining mushtlariga chidayolsin
Qaynonasin xizmatlarin yelib qilsin
Hary o`qlasa ,,labbay» deya javob bersin
Har kelinda bolday shirinzabon bo`lsin


Sevib sevilmagan dillar

Tonga ulangan u tunlar
Uzib ,berilmagan gullar
Naxot hayotda mavjuddir
Sevib, sevilmagan dillar

Oshkor bo`lmagan tuyg`ular
Ming bor bo`lingan uyqular
Baxtini hech toparmikin
Sevib ,sevilmagandillar

Amuga teng u ko`zyoshlar
Tog`day metindir bardoshlar
Har dam olar hayolimni
Sevib, sevilmagan dillar

Bayt bitay sizga atablar
Sevmoqqa nedir sabablar
Shunchalar ham sodiqmisiz
Sevib, sevilmagan dillar

Muxabbatning bormi toti
Qancha aziz sevgi yodi
Sevilmoqqa ming bor haqli
Sevib, sevilmagan oti


Taqdir

Boshingizga tushganda tashvish
Uyingizga tashrif etsa qish
O`ngdan kelsa bir qo`rqinchli tush
Taqdir, deya qo`ya qolasiz

Taqdir nadir bilarmisiz siz?
Taqdirlamoq deganimikin
Yaxshi ishlar a`lo xulq uchun
Yaratgandan bir imkonmikin

“Taq” etib bir sho`r peshonaning
Tosh devorga tegishimikin
“Dir” deya to`xtatib ulovin
Zimdan o`ylab qolish imikin

Taqdir nadir ,nadir bu taqdir
Goh bizlarga berilgan baxtdir
Goho esa kulfatlar naqddir
Ne bo`lsa ham taqdirdir haqdir


Laylak qor

O`lkamni bezaydi qorning jilosi,
Menimcha ,bu qishning go`zal imosi.
Bolalar qiyqirib chopar ko`chada,
She`rga aylanadi qalbning sadosi.

Beg`ubor orzular kabi laylak qor,
Yengil to`zg`ib uchar biram havoda.
Tushlarimga kirib chiqar edi qor,
Ko`nglim oppoq qorga bo`lsa intizor.

Sayr etib ko`chain sira to`ymayman,
Qor bilan o`ynayman ,uni qo`ymayman.
Qalbim qishga oshiq, qorga har nafas,
Jazirama oftob ,yozni suymayman


Navro’z

Tog`lar cho`qqisidan eridi qorlar
Ko`ngildan tarqalib ketdi g`uborlar
Yurtimga yarashar bayramu to`ylar
Qushlar qanotida xush kelding Navro’z

Chuchmoma chiroyin qilmoqda ko`z- ko`z
Baxmal libosini kiymoqda olam
Bahor ta`rifiga yetmaydi hech so`z
O`lkamga xush kelding Navro’zi olam

Ariqlar shoshmoqda yo`qotib aqlin
Majnuntol nozlanib yuvar kokilin
Gullar iforiga burkanar olam
O`lkamga xush kelding ey go`zal ko`klam

Qaldirg`och in qurdi ayvonimizga
Qanotida shodlik olib keldi u
Ko`klamni sog`ingan dillarimizga
Navro’zi olamni boshlab keldi u


ТТА Маънавият ва маърифат бўлими