Kutubxona bo‘lmasa bu ko‘chadan ko‘chamiz… Sevimli shoirimiz Bobur Bobomurodning shu satr bilan yakun topgan she’ri bugun Kutubxonachilar bayramida O‘zbekiston yozuvchilar uyushmasi muzeyida yangradi.
Toshkent tibbiyot akademiyasi ARM xodimlari ishtirokidagi ijodiy uchrashuvda kutubxona ishi, bu sharafli kasbning yoshlar ma’naviyatini yuksaltirishdagi o‘rni hususida gapirildi.
Akademiya kutubxonachilari o‘zaro ijodiy muloqotda zamonaviy kitob rastalari va elektron kataloglar bilan ishlash, yosh kitobxonlarga ko‘rsatilayotgan kutubxona xizmati va kitobxonlikni targ‘ib etishning zamonaviy usullari to‘g‘risida shoira Munira Ramazonava bilan fikr almashdilar.
Tadbirda Toshkent tibbiyot akademiyasining ijodkor talabalari tomonidan O‘zbekiston yozuvchilar uyushmasi kutubxonasiga akademik Komiljon Zufarovning ilmiy-pedagogik faoliyatiga mansub kitob taqdim etildi.
Add Comment