Talabalar ijodi

TMA.UZ  сайтининг «МАЪНАВИЯТ ВА МАЪРИФАТ ПОРТАЛИ» да  «ТАЛАБАЛАР ИЖОДИ» рубрикаси ташкил этилганлиги муносабати билан Тошкент тиббиёт академиясининг барча ижодкор талабалари ва магистрларини ижод намуналарини  (шеърлар, хикоялар, очерклар ва х.к) сайтимиз орқали эълон қилиб борамиз.       

 Ушбу рубрикада 2 йўналиш мавжуд:

  1. Талаба ижодига мансуб ҳикоялар
  2. Талаба ижодига мансуб шеърлар

Агарда, сизнинг ҳам ижодкорона қўлёзмаларингиз бўлса, уларни бевосита ТТА Маънавият ва маърифат портали орқали ўз мухлисларингизга таништириб боришингиз мумкин. Бунинг учун Маънавият ва маърифат бўлимига мурожаат қилинг.

ТТА Маънавият ва  маърифат бўлими
Тел: (99871) 150-78-03


Jannatim onajonim

Oq yuvib oq taragan

O’zini ayamagan

Bizni har kun o’ylagan,

Jannatim onajonim!

Kechalari uxlamay

Beshigimni tebratgan,

Tongacha mijja qoqmay

Shirin allalar aytgan.

Hech kimdan kam bo’lma deb

O’zi kiymay kiydirgan.

Bolajonim,och yurma deb

O’zi yemay yedirgan.

Betob bo’lsam agarda,

Tunlar bedor o’tkazgan

Tezroq sog’aysin deya

Yaratgandan so’ragan.

Bilmay ko’nglin ranjitsam

Kechirib yuvorarlar.

Bolam, baxtli bo’lgin deb

Tangriga yolvorarlar.

Sajdagohim,mehribonim,

Chiroyligim,yagonam,

Baxtimizga doimo sog’ bo’lib yuring iloyim,

Sizni yaxshi ko’rishim yodda tuting har doim,

Azizim jonajonim,Jannatim onajonim!!!

Tibbiy biologiya fakulteti talabasi: E’zoza Yoqubova

ONA

Boshda to’la ming tashvish

O’qib, ishlab hormaymiz

Yillar o’tar yoz-u qish

Yaqin yo’qlab bormaymiz

Bugun hasham, erta to’y

Ko’ngli osmon bolani

Yilda bir bor yo’qlab qo’y

Oq sut bergan onani

So’nggi marta dona gul

Qachon berding bilmaysan

Yerni loy qilgani ul

Yoshlarin arzimaysan

Ko’chadaman, ishdaman

Tin olgani damim yo’q

Yodga olib aytsa ham

“Meni boshqa g’amim yo’q”

Gapirsang siltab qo’lin

Bir bor quloq ilmaydi

Ona tashvishlar belin

Bukkanligin bilmaydi

O’g’il esa yosh, bebosh

Kuchga to’la navqiron

Ona, so’nyotgan quyosh

Ikki kunlik issiq jon

Hayhot uy oynasi ham

Ko’cha tomon qaralgan

Kelar deb bugun bolam!

Ko’zi yo’lga qadalgan

Hayol surganicha jim

Eslab besh yosh bolani

Yetmishda-ku endi kim

Yodlar sho’rlik onani

Ham ona ham-ki padar

O’z qadriga yig’laydi

Safarda bo’lsang agar

Tunlar uyqu bilmaydi

Madorsiz qotsang, holsiz

Bolam senga ne kerak

Duogo’ying bir yolg’iz

Onang axir toshyurak

Boshda to’la ming tashvish

O’qib ishlab hormaymiz

Yillar o’tar yoz-u qish

Onam debon bormaymiz

Qidirganga sabab bor

Tugamaydi baxona

Kutib turar yor nigor

Ona axir yagona

Gohida yo’qlab boring

Ko’rib ko’ngli to’ladi

Borida duo oling

Erta bir gap bo’ladi

Meros Momo Havodan

G’amin yutib yashamoq

Qolgan Odam Atodan

Bolam deya jon bermoq

Yillar o’tib seni ham

Qo’llaring aso tutgay

Faryod ayla “kel bolam!”

Farzandlaring unutgay

Qaytar dunyo deganlar

So’zlarim eslab qoling

Diydor bilmay yurganlar

Onadan xabar oling!!!

Yoldoshev Shukurjon Davolash fakulteti

 

 


ҲИКОЯЛАР РУБРИКАСИ >>>


ШЕЪРЛАР РУБРИКАСИ >>>


Upcoming Events

There are no upcoming events at this time.