Jannatim onajonim
Oq yuvib oq taragan
O’zini ayamagan
Bizni har kun o’ylagan,
Jannatim onajonim!
Kechalari uxlamay
Beshigimni tebratgan,
Tongacha mijja qoqmay
Shirin allalar aytgan.
Hech kimdan kam bo’lma deb
O’zi kiymay kiydirgan.
Bolajonim,och yurma deb
O’zi yemay yedirgan.
Betob bo’lsam agarda,
Tunlar bedor o’tkazgan
Tezroq sog’aysin deya
Yaratgandan so’ragan.
Bilmay ko’nglin ranjitsam
Kechirib yuvorarlar.
Bolam, baxtli bo’lgin deb
Tangriga yolvorarlar.
Sajdagohim,mehribonim,
Chiroyligim,yagonam,
Baxtimizga doimo sog’ bo’lib yuring iloyim,
Sizni yaxshi ko’rishim yodda tuting har doim,
Azizim jonajonim,Jannatim onajonim!!!
Tibbiy biologiya fakulteti talabasi: E’zoza Yoqubova
Add Comment