Ҳурматли ҳамкасблар, азиз талабалар!
Барчангизни 9 май – Хотира ва Қадрлаш куни билан, Иккинчи жаҳон урушида қозонилган буюк Ғалабанинг 75 йиллиги билан чин қалбимдан самимий табриклайман.
Мана шу улуғ айём кунида ҳаммамиз энг аввало уруш майдонларидан қайтмаган минг-минглаб юртдошларимизнинг муқаддас хотираси олдида бош эгиб, уларнинг руҳи покларига ҳурмат бажо келтирамиз.Бугунги кунда турли синовларни бошимиздан ўтказмоқдамиз – юртимизга (COVID-19) коронавирус инфекциясининг кириб келиши, Бухоро вилоятидаги табиий офат ва Сирдарё вилоятидаги Сардоба сув омбори фожиалари каби синовларни халқимиз бир бўлиб енгаётгани, албатта ота-боболаримиздан сақланиб қолган азалий қадриятларимиздандир.Иккинчи жаҳон уруши давридаги ўта оғир ва машаққатли йилларда халқимизнинг инсонпарварлик ва бағрикенглик фазилатлари яққол намоён бўлганини биламиз. Эл-юртимиз мамлакатнинг уруш бўлаётган ҳудудларидан эвакуация қилинган турли миллатга мансуб болалар, аёллар ва кексаларга бошпана бериб, бир бурда нонини улар билан баҳам кўрди.Бугунги қутлуғ айёмда ота-боболаримизнинг шонли анъаналарини муносиб давом эттириб, Ватан ҳимояси йўлида ўзини аямасдан, фидокорона хизмат қилаётган барча мард ва жасур юртдошларимизга самимий миннатдорлик изҳор этамиз.Барчангизни 9 май – Хотира ва Қадрлаш куни билан яна бир бор қутлаб, сизларга сиҳат-саломатлик, бахт-саодат, хонадонларингизга файзу барака тилайман!
Тошкент тиббиёт академияси ректори Лазиз Туйчиев
Add Comment