Bo'lim yangiliklari Yangiliklar

Тошкент тиббиёт академиясида Ўзбекистон Республикасининг “Давлат тили ҳақида”ги қонуни қабул қилинганининг 31 йиллигига бағишланган байрам тадбири бўлиб ўтди.

Халқнинг Ватани, давлати каби яна бир буюк, эҳтимолки, бирламчи бойлиги бор. Бу – унинг тили. Айнан тил одамлар гуруҳини бир миллат сифатида бириктиради, яъни халқни – халқ, миллатни – миллат қилади.                                                                                                                                                                                        1989 йил 21 октябрь. “Давлат тили ҳақида”ги қонун қабул қилиниб, ўзбек тилига давлат тили мақоми берилди. Халқимизнинг муқаддас қадриятларидан бири бўлган она тилимиз ўзининг қонуний мақоми ва ҳимоясига эга бўлди. Она тилимиз миллий ўзлигимиздир. Ўзбекистон Республикаси Конституциясида давлат тилининг мақоми ҳуқуқий жиҳатдан мустаҳкамлаб қўйилган. Шу тариқа ўзбек тили мустақил давлатимизнинг Байроғи, Герби, Мадҳияси қаторида турадиган, қонун йўли билан ҳимоя қилинадиган муқаддас давлат рамзига айланди. Ватанимиз мустақиллигининг маънавий асосларини мустаҳкамлаш, халқимиз, аввало, ёш авлодни миллий қадриятларимизга муҳаббат ва садоқат руҳида тарбиялашда ўзбек тилининг аҳамияти тобора ортиб бораётир. Шу муносабат билан Тошкент тиббиёт академиясида жорий йилнинг 17 октябрь куни  «Тил миллат кўзгуси» мавзусидаги маънавий тадбир ташкил этилди.                                           Хозирги кунда COVID-19 пандемия  шароитида карантин қоидаларига тўлиқ амал қилган холда онлайн тарзда ўтган бу тадбирни  академиянинг Илмий ишлар ва инновациялар бўйича проректор тиббиёт фанлари доктори, Азизова Феруза Лютпиллаевна кириш сўзи билан очиб берди ва барча тадбир иштирокчиларини байрам билан табриклади.                                                                                                                                                                                                                      “Тил миллат кўзгуси” мавзусида байрам тадбирида академия талабалари томонидан тайёрланган бадиий қисмида  Она тилимизни мадҳ этувчи шеър ва қўшиқлар янгради.                                                                                                                                                                                                                                                                   Тадбирда Педагогика ва психология кафедраси мудири Мелибоева Роза Носировна барча иштирокчиларни байрам билан табриклаган холда ёшлар қалбида она тилимизга муҳаббат, миллий ва жаҳон адабиётини теран нигоҳ билан ўқишга қизиқиш уйғотиш, китобхонлик маданиятини ошириш зарурлигига алоҳида эътибор қаратилиши кераклигини таъкидлаб ўтди.       Ўзбек тилига Давлат тили мақоми берилганининг 31 йиллигига бағишланган байрам тадбири бу йил ўзгача ноанъанавий онлайн тарзда ZOOM тизимида тантанавор руҳда, кўтаринки кайфиятда ўтди.