Kuni kecha Toshkent tibbiyot akademiyasi talabalari uchun yana bir yangi talabalar turar joyi foydalanishga topshirildi. Bir yil oldin Toshkent tibbiyot akademiyasi talabalar uchun turar joylar soni 1550 tani tashkil etardi. Yangi o‘quv yili boshidan Prezidentimizning OTMlar yoshlari uchun  mo‘ljallangan qo‘shimcha imkoniyatlar doirasidagi taklif va topshiriqlari asosida  akademiya talabalari ikkita qo‘shimcha binoga ega bo‘ldilar. Bugungi kunga kelib  akademiyada 3300 o’ringa mo’ljallangan talabalar turar joylari faoliyati yo’lga qo’yilgan. Yangi foydalanishga topshirilgan TTJda talabalar uchun barcha qulayliklar yaratildi.