“Yana bir muhim yangilik – musiqa san’atiga qiziqishi baland bo‘lgan yoshlarni yanada qo‘llab-quvvatlash maqsadida 2022-2023-o‘quv yilidan boshlab: maqom xonandaligi, maqom cholg‘u ijrochiligi va baxshichilik yo‘nalishlariga yangi qabul qilingan talabalarning shartnoma to‘lovlari to‘liq davlat tomonidan toʻlab beriladi; fortepiano ijrochilari tayyorlash bo‘yicha qabulni 3 barobarga ko‘paytirib, bu yo‘nalishda ham kontrakt to‘lovlari to‘la qoplab beriladi. Bundan buyon xususiy taʼlim muassasalarida IT boʻyicha oʻqish (dasturlash, veb-dizayner, animatsiya) istagini bildirgan yoshlarga ham 20 million soʻmgacha miqdorda 4 yillik imtiyozli kredit taqdim etiladi. Har yili oliygohlarning sirtqi boʻlimiga oʻqishga qabul qilingan 500 nafar eng faol yoshlar yetakchilarining kontrakt toʻlovlari Yoshlar ishlari agentligi tomonidan toʻlab beriladi» – Prezident.