Карантин таътили даврида талабаларимизнинг бўш вақтларини мазмунли ташкил этиш, уларнинг интеллектуал салоҳиятини ошириш, дунёқарашини кенгайтириш, уларда соғлом фикрлаш иммунитетини кучайтириш мақсадида 2020 йил 20 – 26 июль кунлари ТТА талаба-ёшлари ташаббуси билан барча факультетлар ўртасида “Заковат” интелектуал турнири ташкил этилди. Танловни ташкиллаштириш ва уни ўтказишда Тиббий педагогика факультети 4 босқич талабаси Эшназаров Шаҳзод жонбозлик кўрсатди. Танловда Даволаш факультетининг “Med Stars”, “Раислар”, “307А”, “Impulse”, “New stars in medicine”, “Pumalar”, “Superior”, “Атлант”, “Интеллект”, “Эверест”, “Дельта”, “Smart”, ”FUTURE DOKTORS”, “Friendship”, “Future Medicine” жамоалари, Тиббий педагогика факультетининг “Virusolog”, “Авиценна”, “AntiCovid”, “Last WARRIORS” жамоалари, Тиббий профилактика факультетининг “Lyumen” ва ОМХ факультетининг “ILG’OR” жамоалари, жами 21 та жамоа иштирок этди. Турнир давомида жамоа аъзолари илм-фан, тиббиёт соҳаси билан бирга санъат, адабиёт, мусиқа, китобхонлик, спорт каби йўналишларни ўз ичига қамраб олган мантиқан бой ва сермазмун саволлар бўйича беллашдилар. 6 кун мобайнида ўтказилган турлар натижасига кўра 1-ўринни Тиббий педагогика факультетининг “Last WARRIORS” жамоаси, 2-ўринни Даволаш факультетининг “New stars in medicine” жамоаси ва 3-ўринни Тиббий педагогика факультетининг “AVITSENNA” жамоалари эгалладилар. Талабалар ўртасида шундай қизиқарли ва мазмунли турнирларни ташкил этгани, карантин даврида ёшларимизнинг вақтини сермазмун ташкил этишда қўшган ҳиссаси учун Шаҳзод Эшназаровга ҳамда турнирларда фаол иштирок этганлари учун барча жамоа аъзоларига ўз миннатдорчилигимизни билдирамиз.
Ёшлар билан ишлаш, маънавият ва маърифат бўлими
Add Comment