Bo'lim yangiliklari Talabalar ijodi Yangiliklar Zulfiyaxonim ijodini o'rganamiz

ҚАЛБ АМРИГА АЙЛАНГАН ШИЖОАТ

Пойтахтимиз  марказида  янгидан  ташкил этилган  гўзал  ва  маҳобатли  адиблар  ҳиёбони…       Бу дилтортар  гўша  юртимиз ёшларининг  энг  севимли ҳиёбони, маънавият ва маърифат масканига  айланиб бораётгани мени  беҳад  қувонтиради.  Ҳар сафар  устозларим  ва тенгдошларим ҳамроҳлигида  бу  адабий  хиёбонга  келганимизда  қалбимни ажиб  бир  ифтиҳор  туйғуси  қамраб  олади. Бу  туйғу  бир  ўзбек  қизининг  ўз  ватани  тарихи, меҳнаткаш халқининг  бетакрор  фидоийлари  ҳаёти ва асрларга  таътигулик  маънавиятига нисбатан чексиз  эҳтироми  рамзи назаримда.                                                                                                                                                                    Мана  бугун  ҳам  яна  шундай  маърифат  тадбирининг  бахтиёр  иштирокчисиман.                              Куз ҳавосининг  ёқимли нафаси  хиёбонга  янада  чирой бахш эгандай. Юртимиз  адабиёти ва санъатини юксакларга  кўтарган  шоир ва ёзувчиларимизнинг  маҳобатли  хайкаллари атрофи  ёшлар  ва адабиёт ихлосмандлари билан  гавжум.                                                                                                      Тошкент тиббиёт академияси профессор ва  ўқитувчилари ҳамда мен каби  ўнлаб  талаба  ёшлар Буюк шоирамиз Зулфияхоним га эҳтиром кўрсатиб, адибанинг хайкали пойига гуллар қўйдик.                                                                                                                                                                                        Тадбирда Ўзбекистон Ёзувчилар уюшмаси аъзолари, Республика маънавият ва  маърифат маркази, жамоат ташкилотлари вакиллари ҳам  иштирок этиб, шоира қаламига мансуб шеърларидан намуналар ўқидилар.                                                                                                                                  Академиямиз ёшлари билан ишлаш бўлими ҳамда маънавият маърифат тарғиботчиларидан иборат  ёшлар клуби томонидан  карантин даврида  мана шу каби тадбирлар  тез  тез  ўтказилиб келаётганида рамзий маъно бор.                                                                                                                                     Адиблар хиёбонини адабиёт, маърифат ва маданият масканига айлантириш, ҳар бир адиб ҳайкалини муайян олий ўқув юртига бириктириб, бу ерда очиқ дарслар, маърифий тадбирлар ўтказиш бўйича берилган тавсиялар асосида  ТТАси ҳам алоҳида йўл харитаси белгиланиб медиа режа асосида  ишлар  олиб борамиз.                                                                                                          Муҳими бу  режани амалга  оширувчилар  биз талаба ёшлар экнлигимиздан  фахрланаман.    Қолаверса, бу   шунчаки  режа  эмас. Бизнинг  илму  маърифат йўлида  қалб амримизга  айланган шижоатимиз ҳамдир.                                                                                                                                        Зулфия  ўз даврининг  теран  мушоҳадали хассос ижодкорларидан. Шоиранинг  она  ватанни мадх  этувчи юзлаб нодир  назмий  асарлари, вофо ва садоқатни тараннум этувчи шеър ва ғазаллари аллақачон  талабаларимиз қалбига  кўчди.                                                                Зулфияхонимнинг  бой ижодий  меросини чуқур ўрганиш  мен каби бўлажак шифокорларнинг  қалб амрига айланиб бораётганидан  қувонаман.                                                                                            Шу ўинда  академиямизда  шоира  ижодини  шрганиш  борасида олиб бораётган  ташаббусларимиз  ҳақида  тўхталсам.                                                                                                                             – Тиллар кафедраси қошида  Зулфияхоним хаёти ва ижодига бағишланган “Зулфия ижод хонаси” ташкил этилганига  анча бўлди. Мен ҳам  бу клубнинг  фаол аъзосиман.                                    Ушбу хона компьютер, принтер, стол стуллар,  китоб жавони ҳамда  юмшоқ мебеллар билан таъминланган.                                                                                                                                                                         – “Зулфия ижод хонаси” да ҳамда Ахборот ресурс марказининг 3,4,7,5,8 ТТЖлардаги филиалларида адиб қаламига мансуб китоблар жамламасидан иборат бўлган  – “Зулфияхоним асарлари бурчаги” ташкил этилган.                                                                                                                                 – Шоира қаламига мансуб ижод намуналарини ёритувчи “Зулфияхоним  ижоди” мавзусида, шоиранинг ҳаёти ва иш фаолиятини ёритувчи  “Зулфияхоним ҳаёт фаолияти”мавзусида,  икки улкан адиб Зулфия ва унинг турмуш ўртоғи шоир Ҳамид Олимжоннинг ибратли  умр йўлини ёритувчи “Баҳор келди сени сўроқлаб”,  “Зулфияхоним ҳаёти ва ижоди – ёшлар учун намуна”, “ТТА талабалари ўртасида Зулфияхоним ижоди ва ҳаёти ҳақида ўтказилган тадбирлардан  фото лавҳалар” ҳамда Зулфияхоним издошлари клуби иш фаолиятини ёритувчи “Зулфияхоним қизлари” деб номланган баннерлар яратилди.                                                                                                          – Ҳозирги коронавирус пандемияси даврида ТТА нинг 2225 дан зиёд талабалари аъзо бўлган  “Келинг, Ватанимизга қанот бўлайлик”, “ТТАнинг ижодкор талабалари” ҳамда “Бахтли бўлишни истайсизми?” шиори остидаги талаба-қизлар телеграм гуруҳларида Зулфияхонимнинг ҳаёт ва ижод йўлларига бағишлаб эркин йўналишларда ижодий ишлар танлови эълон қилинганди. Танловларда бугунга қадар талабалар томонидан Зулфия қаламига мансуб шеърларни ифодали ўқиб тайёрланган 40дан зиёд аудиошеьрлар, Зулфия ижодидан баҳраманд бўлиб ижод қилинган 25 зиёд шеърлар, ва расм чизиш қобилиятига эга бўлган иқтидорли талабалар томонидан маҳорат билан, чуқур ҳурмат ва муҳаббат асносида чизилган 25 дан зиёд Зулфияхоним   расмлари тақдим этилди.                                                                                                                                                                                      – ТТАнинг tta.uz расмий веб сайтида “Зулфияхоним ижодини ўрганамиз”  рубрикаси ташкил этилди. Рубрика орқали шоиранинг ҳаёт ва ижод йўллари бўйича маълумотлар, “Адиблар ҳиёбони”да ўтказилаётган маънавий-маърифий тадбирлар, “Зулфияхоним портретига чизгилар” мавзусида ўтказилган танлов ғолибларининг ижодий ишлари севимли шоира ижодини тарғиб қилиш бўйича амалга оширилаётган ишлар тўғрисидаги маълумотлар талабалар эътиборига ҳавола қилиниб, кенг ёритилмоқда.                                                                                                                  Олий ва ўрта махсус таълим вазирлиги томонидан ўтказилаётган “Талабалар фестивали”нинг “Мен севган адиб” танловида  Даволаш факультети 5 курс талабаси дугонам Джумаева Фарангиз Зулфияхоним ижод ва ҳаёт йўлларини ёритувчи тақдимоти билан иштирок этиб, фаҳрли 2 ўринни эгаллагани бир фахримга юз фахр  қўшди. У Зулфия хотирасига бағишлаб адиба асарларининг 41 номдаги асарлари номини шеърга солди.Бундан кўриниб  турибдики, бўлажак  шифокор мазкур шеърни ёзиш учун Зулфиянинг  50 дан ортиқ асарларини  ўрганган.                               – “Талабалар фестивали”нинг “Нотиқлик-ўткир қалам сирлари” танловида Даволаш факультети 2 курс талабаси Паттаева Дилафрўз  ва  5 курс талабаси Мусаева Шаҳзодалар “Бахтим шул ўзбекнинг Зулфиясиман” мавзусидаги аудиоиншолари билан иштирок этиб, финалгача бўлган 30 талик ичида  ғолиблар рўйхатидан жой олдилар.                                                                                        Айни кунда академиямиз талабалари Зулфия хаёти ва ижодий  фаолиятига оид маьлумотлар  асосида кургазмали баннер ва планшетлар тайёрлаш жараёнида қизғин иштирок этмоқдалар.          Талаба ёшларимиз тайёрлаган маълумотларда  адиба  ижодига хос   сермазмун жозиба, ҳар қайси даврда  ҳам эскирмайдиган  долзарблик  жиҳатлари алоҳида  эътироф этилган.                        Бугунги адабий  учрашувда  мен  шоирамизнинг «Мен тонгни куйлайман», «Юрагимга яқин кишилар» (1958), «Куйларим сизга» (1965) тўпламларидан Ватан мадҳи, меҳнат жараёнида фидокорлик кўрсатаётган кишилар ҳаётига м ансуб  кайноқ  сатрларни ўқиб бердим.      Устозларим эса ТТАсида  “Ёш ижодкорлар” клуби аьзоларининг мана шу каби ижодий кечаларини тез тез ўтказиб, энг яхши ижод намуналарини  яқин  келажакда китоб шаклида чоп этишимиз ҳақидаги яхши истакни билдирдилар.. Ҳа, мақсадимиз олий…. Зулфия номидаги “Ёш ижодкорлар” клубини ташкил этиб, мамлакатимиз ёшларини кун  сайин  илҳомлантираётган   5 ташаббус миллий ғояси тамойилини ёшларимиз орасида кенг таргиб килиш.                                Зеро, Президентимиз “Адиблар Хиёбони”да  бўлганларида “замонамиз қаҳрамонлари образини акс  эттирувчи саъат асарлари яратиш ташаббусини ҳам илгари  сурганларида  худди шундай  истакларга  ва қатиятли харакатларга ишонгандилар.  Умид қиламанки, ТТА талабалари бу ижодий жараёнда  ўз салоҳият ва имкониятларидан унумли фойдаланадилар.                          Замонамиз қапҳрамонлари  Президентимиз таъбири билан айтганда : Бугунги кун фидоийлари:  коронавирусга қарши курашаётган шифокорларимиз, мард ҳарбийларимиз, саховатли тадбиркорларимиз, ватанпарвар ёшларимиз…                                                                                              Улар бугуннинг одамлари, буунги кунларни тарихга айлантираётган  халқ  қаҳрамонлари.  Талабаларимиз  бундай жасорат эгалари ҳақида ҳамма билишини истайди. Шу боис Президентимизнинг “Адиблар хиёбони” деб номланган интернет портали ташкил этиш таклифини қўллаб  қувватлаган ҳолда, бу  илғор ғоянинг олдинги қаторларида  туриб  ўз  билим ва иқтидорларини намоён этишга  киришганлар.                                                                                      Ҳозирданоқ  Академия ёшларини бир маконда жойлаган  телеграмм каналларимиз ва махсус БОТ лар  орқали Зулфияхоним сингари  мумтоз ва замонавий адиблар асарларининг электрон нусхалари, ёзувчи ва адабиётшуносларимизнинг маҳорат сабоқлари тўпланиб талабалар ўртасида  кенг тарғиб этилмоқда.

Жўрабоева Шоҳида Шуҳратжон қизи.
 Тошкент тиббиёт академияси 3 курс талабаси
 ГУЛЧЕҲРА  МИРЗАЕВА  ТАҲРИРИ.

About the author

Shafoat Beknazarova

Add Comment

Click here to post a comment

This site uses Akismet to reduce spam. Learn how your comment data is processed.