Toshkent tibbiyot akademiyasi Yoshlar ittifoqi boshlang‘ich tashkiloti hamda Intellektual o‘yinlar klubi hamkorligida «Oliy ta’lim muassasalari talabalari o‘rtasida «Universiada» sport musobaqalarining respublika final bosqichlarini o‘tkazishga tayyorgarlik ko‘rish to‘g‘risida»gi yig‘ilishi 167 – son bayonida ko‘rsatilgan topshiriqlar ijrosini ta’minlash maqsadida 31-yanvar kuni akademiya talabalari o‘rtasida saralash o‘yinlari o‘tkazildi. Olimpik tezkor tizimda o‘tkazilgan o‘yinlarda o‘g‘il bolalar bahsida Farmatsiya, Menejment, Tibbiy biologiya, Biotibbiyot muhandisligi va Oliy ma’lumotli hamshira fakulteti 1-bosqich talabasi Rahimov Ulug‘bek g‘oliblikni qo‘lga kiritgan bo‘lsa, qiz bolalar bahsida 2-son davolash fakulteti 3-bosqich talabasi Karimqulova Mahzunaga teng keladigan raqib topilmadi. G‘oliblikni qo‘lga kiritgan talabalarimiz 3-fevral kuni «Universida-2023» o‘yinlarining Toshkent shahar bosqichida ishtirok etadilar.