Куни кеча Тошкент Ирригация ва мелиорация инстиутининг анжуманлар залида Олий таълим муассасалари қошида фаолият олиб бораётган “Қувноқлар ва зукколар” терма жамоалари ўртасида Реcпублика кўрик-танловининг худудий II-босқичи бўлиб ўтди “Қувноқлар ва зукколар” терма жамоалари ўртасида Республика кўрик-танловининг худудий II-босқичида Ўзбекистон Миллий университетининг “Шоввозлар” жамоаси, Хореография миллий рақс олий мактабининг “Horeostar” жамоаси, Тошкент давлат шарқшунослик институтининг “Habibiy” жамоаси ва Тошкент тиббиёт академиясининг «ADRENALIN» жамоалари фаол иштирок этишди. “Қувноқлар ва зукколар” кўрик-танловда жамоалар 3 шарт асосида беллашди.
Биринчи танишув шарти “Ғалаба сари бир қадам” деб номланиб, бу шартида ҳар бир гуруҳ аъзолари ўзларининг таълим муассасалари ҳақида тўлиқ маълумот беришлари ва театрлашган сатирик лавҳалари, ҳангомалари, ҳазил-мутойибалар орқали мавжуд ёшлар муаммоларини олиб чиқишлари керак. Рақиб томонидан ҳурмат сақлаган ҳолда табрик йўллайди. Шартда ҳазил, юмордан фойдаланиш лозим, лекин камситишга йўл қўйилмаслик керак. Қувноқлик ва зукколик гуруҳ иштирокчиларининг диққат марказида туришлари шарт.
Иккинчи шарт – савол-жавоб шарти “Миш мишларга қараганда” деб номланиб, ушбу шартда ҳар бир жамоа биттадан савол беради ҳамда бошқа жамоалар томонида берилган барча саволларга ўзининг жавоб вариантини айтади. Ушбу шартда жамоалар берган савол ва жавобнинг мазмуни, хаётийлиги, долзарблиги, ҳазил-мутойибага бойлиги, иштирокчиларининг ҳозиржавоблиги, зукколиги баҳоланади.
Учинчи шарт – мусиқали чиқиш яъни “Овозларни созлаймиз” деб номланиб, шартда мусиқалар, қўшиқлар, таниқли санъаткорларнинг қўшиқларига ўхшатмалардан кенг фойдаланган ҳолда, хаётда (хусусан ёшлар хаётида) учрайдиган турли хил қизиқ воқеъликлар, иллатлар, камчиликлар кулгу остига олинган театрлаштирилган лавҳалар (кўринишлар)дан иборат чиқишдир. Ушбу шартда чиқишларнинг савияси юқори бўлишини таъминлаш мақсадиида айрим ўйинларда фонограммадан фойдаланишга йўл қўйилади. Таниқли санъаткорлар қўшиқларига ўхшатмалар қилинган тақдирда, қўшиқ сўзлари жамоалар томонидан ёзилиши ва ижро етилиши талаб этилади.
2017 йилнинг 13 апрель санасида бўлиб ўтган ушбу “Қувноқлар ва зукколар” кўрик-танловининг ўтказишдан асосий мақсад: Олий таълим муассасалари талабалари ўртасида иқтидорли ёшларни кашф қилиш ҳамда уларни истеъдод ва қобилиятларини қўллаб-қувватлашдан иборатдир. Танловда олийгоҳлардаги талабалар жамоавий тарзда иштирок этдилар, ҳамда ёшлар ўртасидаги муоммо ва камчиликларни қизиқарли сахна кўринишлар, юморлар орқали ёритиб бердилар. Жамоалар чиқишларини баҳолаб бориш учун ташкилотчилар томонидан тузилган ҳакамлар хайъати иштирокчилар куйлаётган қўшиқларни ҳазил мутойибага бойлигига, берилган саволларга жамоалар қанчалик тезкорлик ва қувноқлик билан жавоб берганликларига алоҳида эътибор қаратдилар.
Юқори савияда ўтказилган бу “Қувноқлар ва зукколар” кўрик танлови талаба-ёшлар онгида ижобий таассуротлар қолдириши билан бир қаторда кўтаринки кайфият бахш этди.
ТТА Маънавият ва маърифат бўлими
Фотолавҳалар:
Add Comment